La idea de Cierva y Culiebra ye cenciella: queremos espublizar llibros n'asturianu, bien curiosos y que mos ayuden a repensar el mundu. Nun ponemos llendes a lo que vamos asoleyar: habrá lliteratura, pero tamién pensamientu y non ficción. La característica común a los llibros sedrá que van ser mui cuidaos, mesmo nel diseñu qu'a nivel editorial, pa que lleguen a los llectores que tienen que llegar, enanchen la base de xente que llee n'asturianu y replanteguen la manera na que vemos les coses.
L'equipu de Cierva y Culiebra ta compuestu por un conseyu editorial, que collabora cola selección de testos y col trabayu de diseñu web y físicu, asina como por un editor, Xaime Martínez.